१६ बैशाख, काठमाडाैं । काठमाडाैं उपत्काका तीन वटै जिल्लामा भारी वर्षा भइरहेकाे छ । आज बेलुका करिब ५ः०७ बजे शुरू भएकाे वर्षा अझै दर्किरहेकाे अवस्था छ ।
माैसम विभागले गरेकाे पूर्वानुसार नै याे वर्षा हुरी, बतास र चट्याङसहित देशका पूर्व-पश्चिम क्षेत्रमा परेकाे छ । रामेछाप दाेलखा, सिन्धुपाल्चाेक, काभ्रेमा दुई घण्टा पहिले भारी वर्षा भएकाे थियाे ।
दर्किएकाे पानीले गर्दा काठमाडाैंका सडकमा सवारी आवगमन समेत प्रभावित बानेकाे छ ।केही दुई पांग्रे सवारी हुरीका कारण सडकमै ढलेका पनि छन् । छाता भएका धेरै पैदल यात्रुकाे छाता वेगकाे हुरीबाट भाँचिएकाे छ । उनीहरू गन्तव्यमा पुग्न समस्यामा परेका छन् । आकाशाा बाक्लाे कालाे बादल ढाकेकाले साँझ नपर्दै अँध्याराे जस्तै भएकाे छ ।
वर्षा अलिक कमजाेर बनेपनि अहिले जारी छ । विभिन्न स्थानमा बिजुली लाइान समेत गएकाे छ । हुण्डरीबाट भाैतिक र मानवीय क्षति भएनभएकाे जानकारी प्राप्त भएकाे छैन ।
