७ मंसिर, काठमाडाैं । शुक्रबार काठमाडाैंमा जेन जी र एमालेका युवाहरूले झण्डै २०० मिटर नजिक अलगअलग कार्यक्रम गरेका छन् । जेन जीका युवाहरूले माइतीघर मण्डलामा र एमालेका युवाहरूले माइतीघरदेखि पूर्वतर्फ कार्की बैंक्वेटमा कार्यक्रम गरिरहेका छन् । याे दूरीकाे हिसाबले आमनेसामनेकै अवस्था हाे ।
एमालेले आज पूर्व घाेषित कार्यक्रम ‘नेश्नल भाेलियन्टर्स फाेर्स’ काे ‘केन्द्रीय कमाण्ड’ घाेषणा गर्दैछ । घाेषणा एमाले अध्यक्ष केपी शर्मा ओलीले गर्दैछन् । घाेषणाअघि उसका सयाैं संख्यामा कार्यकार्ताले बिजुलीबजारदेेखि मार्च पास गरेका थिए । पार्टीका स्थानीय, प्रदेशका जनप्रतिनिधि समेत सहभागी मार्च पाससहित टाेली बबरमहलबाटै बैंक्वेट प्रवेश गरेकाे छ ।
दुई पक्षका कार्यक्रमस्थलका बिचमा सशस्त्र प्रहरी बल बाक्लाे संख्यामा तैनाथ गरिएकाे छ । उनीहरूले फुटपाथ हिड्ने पैदल यात्रुलाई समेत कडाई गरेका छन् ।
बैंक्वेटदेखि केहि पर माइतीघर मण्डलामा जेन जीका घाइतेसहित युवाहरू हत्यारा र भ्रष्ट्राचारीलाई कारवाहीकाे माग राखेर प्ले कार्ड बाेकेर धर्ना बसिरहेका छन् । तत्कालिन हत्यारा सरकार नेतृत्वकाे पार्टीले युवाहरूलाई आतंककारीकाे संज्ञा दिँदै कार्यक्रम गर्ने भएपछि प्रतिराेधसणवरूप आफूहरूले धर्ना कसेकाे जेन जीका युवाहरूकाे भनाइ छ ।
गएकाे दुई दिन बाराकाे सिमरामा झैं दुई पक्षबीच भीडन्त हुन नदिन सरकारले सुरक्षा व्यवस्था कडा बनाएकाे जनाएकाे छ । सुरक्षाका लागि नेपाल प्रहरी फ्रन्टमा र सशस्त्रलाई बाहिरी घेरामा तैनाथ गराइएकाे छ ।
