एजेन्सी असार ३ । पाँच दिनदेखि ईजरायल र ईरानबीच भीषण युद्ध जारी छ । यो युद्धको शुरुवात ईजरायलले गरेको थियो । मध्यराति आक्रमण गर्दै सेना प्रमुख, आणविक केन्द्र र सैन्य संरचनामा हमला गरेको ईजरायलले नागरिक आवास क्षेत्र, टेलिभिजन कार्यलय लगायत जथाभावी आक्रमण गरीरहेको छ जसमा थुप्रै बालबालिकाहरु मारिएका छन् ।
ईजरायलले अमेरीका निर्मित एफ ३५ लडाकु विमान प्रयोग गरेर बमबारी गरीरहेको छ । अमेरीकी वायु रक्षा प्रणाली थाड र विभिन्न बमहरु अमेरीकाले ईजरायललाई दिएको छ ।
तर एक सार्वभौम देश ईरानमाथि परमाणु बम बनाउन लागेको हल्ला चलाएर अमेरीकी स्वीकृतिमा ईजरायलले आक्रमण गरीरहेको छ । चीन, रुस, पाकिस्तान, टर्की लगायतका देशले उक्त आक्रमणको भत्र्सना गरेका छन् ।
तर अमेरीकाले युद्ध रोक्नु पर्ने भने पनि व्यवहारीक रुपमा मध्यपूर्वमा युद्धक विमान र युद्धपोतहरुको तैनाथी बढाएको छ । ट्रम्प क्यानडामा चलिरहेको जी ७ को समिटमा युद्ध रोक्न अपील गर्ने भनि तयार भएको सँयुक्त ड्राफ्टमा हस्ताक्षर नगरी हिँडे ।
बरु उनले तेहरानका नागरिकहरुले तत्काल शहर खाली गर्नु पर्ने उर्दी जारी गरे ।
उनी अहिले राष्ट्रिय सुरक्षा समितिमा छलफल गर्दैछन् मध्यपूर्वमा अतिरिक्त शक्ति तैनाथ गर्ने निर्णय लिन सक्नेछन् ।
बेलायत, जर्मनी र फ्रान्सले पनि मध्यपूर्वमा ईजरायलको पक्षमा काम गरीरहेका छन् ।
अमेरीकाको यही भूमिकाले अहिले ईरानमा भारी क्षति भईरहेको छ भने ईरानले गरेको प्रत्याक्रमणबाट इजरायलमा पनि ठूलो क्षति भएको छ ।
अमेरीकाले सन् २००१ मा ईराकले घातक हतियार बनाएको भन्दै हमला गरी दशौँ हजार मानिसको ज्यान लिनुका साथै राष्ट्रपति सद्धाम हुसेनको सत्ता पतन गराउर्दै कठपुतली सरकार खडा गरेको थियो ।
अहिले ईरानमा अमेरीकाले ईजरायल मार्फत सोही प्रकारको रणनीति लिएको देखिन्छ ।
