चितवन । जे.भी. फाउन्डेसनले कृषि तथा वन विज्ञान विश्वविद्यालयमा सरस्वतीको मन्दिर निर्माण गरेको छ । फाउन्डेसनको लगानीमा बि.स. २०७५ सालमा फाउन्डेसनका अध्यक्ष राष्ट्रिय समाजसेवी प्रा.डा. जगदीश वैद्यको हातबाट शिल्यान्यास भई निर्माण सुरु भएको मन्दिरको उद्घाटन पनि उहाँ आफैले २०८० फागुन २ गते सरस्वती पूजाकै दिन पारेर गर्नुभएको थियो ।
विश्वविद्यालय परिसरमा निर्मित उक्त मन्दिरमा नियमित पूजा गर्ने गरिएको छ भने वर्षको एक दिन वसन्त पन्चमी अर्थात सरस्वती पूजाको दिन विशेष पूजा गर्ने गरिएको छ ।
जे.भी. फान्डेसनले हालसम्म कृषि तथा वन विज्ञान विश्वविद्यालयसहित त्रिभुवन विश्वविद्यालय, पोखरा विश्वविद्यालयमा लगायत नेपाल भरी १२२ मन्दिर निर्माण गरेको छ ।
फाउन्डेसनले निर्माण गरेका मन्दिरमा लाग्ने सम्पूर्ण खर्च पनि अध्यक्ष वैद्यले नै सहयोग गर्नुभएको फाउन्डेसनका सदस्य सचिव डा. एम.पी. शाहले बताउनु भयो ।
