७ अक्टोबरमा हमासले ईजरायल बिरुद्ध आक्रमण गरेपछि शुरु भएको युद्धका क्रममा ईजरायलले निरन्तर गाजामा निहत्था प्यालेष्टाईनीको हत्याको श्रृखला जारी राखेको छ । ईजरायलले अस्पताल, मस्जिद, शरणार्थी शिविर, निजी आवास लगायतका क्षेत्रमा निरन्तर हवाई आक्रमण गर्दा अहिले सम्म चार हजार प्यालेष्टाईनी सर्वसाधारण, महिला तथा बालबालिकाको मृत्यु भईसकेको छ ।
संसारै भरबाट बिरोध भईरहेको छ ईजरायली अन्धाधुन्ध आक्रमणको । तर पनि अमेरीका र बेलायत लगायत पश्चिमा देशहरुको समर्थन पाएको ईजरायलले गाजा सहित प्यालेष्टाईनी क्षेत्रमा आक्रमण जारी राखेको छ ।
गएराति मात्रै ईजरायली आक्रमणमा गाजाको एउटा शिविरमा हमला गर्दा ३० जना नागरिकको मृत्यु भएको छ ।
७ अक्टोबरमा हमासले गरेको आक्रमणमा ईजरायलका सेना र सर्वसाधारण गरी १४ सय जनाको ज्यान गएपछि ईजरायलले हमास बिरुद्ध युद्धको घोषणा गरेर आक्रमण जारी राखेको छ ।
