एजेन्सी असोज २४ । विश्व महाशक्तिका रुपमा कहलिएको अमेरीकाले ईजरायल प्यालेष्टाईन द्धन्द थप चर्काउने गतिविधि शुरु गरेको छ । अमेरीकाले शुरु देखिनै ईजरायलको पक्ष लिँदै आएकोमा पछिल्लो युद्ध शुरुभएपछि घातक हतियार दिन थालेको छ ।
अमेरीकी घातक हतियार बोकेको अमेरीकी लडाकु विमानको पहिलो खेप दक्षिणी ईजरायलमा अवतरण गरेको छ ।
शनिबार हमासले अल अक्स तुफान अप्रेसनका नाममा ईजरायली सीमामा प्रवेश गरेर आक्रमण शुरु गरेपछि ईजरायलले गाजामा ब्यापक हवाई आक्रमण गरेको छ । जसमा २० हजार नागरिकका घर र १० वटा अस्पताल ध्वस्त भएको छ ।
यस युद्धमा दुबै तर्फ गरी २ हजार बढीको ज्यान गईसकेको छ । युद्ध अझै जारी रहेकाले थप व्यक्तिको मृत्यु हुन सक्ने आशंका गरिएको छ ।
यस्तोमा ईजरायल प्यालेष्टाईनको ७ दशक लामो विवादलाई शान्तिपूर्ण समाधानमा लान बल गर्नु पर्नेमा अमेरीकाले एकपक्षीय रुपमा ईजरायलको समर्थन गर्दा युद्ध शान्तिमा परिणत हुन सकेको छैन ।
रुस, चीन लगायतका शक्तिशाली देशले ईजरायल प्यालेष्टाईनको मुद्धा शान्तिपूर्ण रुपमा समाधान गर्नु पर्ने, प्यालेष्टाईनको अस्थित्व स्वीकार गर्नु पर्ने पक्षमा अडान राख्दै आएका छन् ।
पछिल्लो घटनाक्रम र युद्धका लागि अमेरकिी नीति जिम्मेवार रहेको रुसी अधिकारीहरुको प्रतिकृया रहेको छ ।
रुसी राष्ट्रपति भ्लादीमीर पुटिनले प्यालेष्टाईन एक स्वतन्त्र देश बन्नु पर्नेमा स्पष्ट अडान व्यक्त गरेका छन् । पुटिनले मध्यपूर्वको अवस्था संकटग्रस्त रहेको भन्दै ईजरायल प्यालेष्टाईको चिन्तालाई ध्यान नदिई आफ्नो नीति अमेरीकाले लाद्ने क्रममा यो समस्या आएको बताएका छन् ।
उनले ईराकी प्रधानमन्त्रीसँग कुरा गर्दै दुबै पक्षले युद्धमा नागरिकलाई क्षति पुर्याउन नहुने भन्दै ध्यान दिन आग्रह गरेका छन् ।
