एजेन्सी असोज २३ । हमास र ईजरायलबीच शनिबारदेखि युद्ध शुरु भएपछि संसारमा सरकार र जनता विभाजित भएका छन् । इजरायलको समर्थनमा अमेरीका, बेलायत भारत जस्ता देशले बक्तव्यवाजी गर्दै यो आक्रमणलाई आतकवादी घोषित गरेका छन् ।
तर भारत, अमेरीका, बेलायत र खाडी देशहरुमा ठूलो संख्यामा नागरिकहरु सडकमा निस्किएर प्यालेष्टाईनको पक्षमा नाराबाजी गरेको दृष्यहरु सामाजिक सञ्जालहरुमा भाईरल छ ।
भारतको दिल्ली सहित विभिन्न राज्यमा मुल्सिम समुदायका युवाहरुले प्रदर्शन गरेका छन् । विभिन्न नेताहरुले मोदी सरकारले ईजरायलको समर्थन गरेको भन्दै आक्रोश पोखेका छन् ।
अष्ट्रेलियामा पनि प्यालेष्टाईनको पक्षमा प्रदर्शनकारीले नाराबाजी गरेका छन् । कतार, ईरान, लेवनान लगायतका देशले हमासको पक्षमा समर्थन दिएका छन् ।
अमेरीकाको टाईम्स स्क्वाएरमा पनि हजारौँ मुस्लिम युवाहरु भेला भएर प्यालेष्टाईनको पक्षमा नाराबाजी गरेका थिए ।
ईजरायलले लामो समयदेखि प्यालेष्टाईनी भुभाग अतिक्रमण गरेर मुस्लिम समुदायमाथि अत्याचार गरेको, मस्जिदहरुमा हमला गरेको भन्दै शनिबार हमासले शक्तिशाली आक्रमण गरेको थियो ।
त्यसपछि ईजरायलले गाजामा बमबारी गर्दा १३० भन्दा बढी बालबालिका सहित ७ सय बढी प्यालेष्टाईनी नागरिकको ज्यान गईसकेको छ ।
