एजेन्सी असोज २० । प्यालेष्टाईनमा सक्रिय हमाल लडाकु समुहले ईजरायल बिरुद्ध शक्तिशाली सैन्य आक्रमण गरेको छ । आश्चर्यजनक रुपमा ईजरायल बिरुद्ध गरिएको भीषण हमलामा ४० जना भन्दा बढी ईजरायली नागरिकको मृत्यु भएको छ । सात सय ५० जना भन्दा बढी घाईते भएको ईजरायली प्रधानमन्त्रीले बताएका छन् ।
ईजरायली प्रधानमन्त्री बेन्जामिन नेतान्हुले हमासले नसोचेको मुल्य चुकाउनु पर्ने र अहिले आफूहरु युद्धमा रहेको बताएका छन् ।
हमाशले भने अल अक्स मस्जिदमा प्यालेष्टाईनी नागरिकमाथि ईजरायलले गरेको दमन बिरुद्धको यो अप्रेशन भएको प्रतिकृया दिएको छ । हमासले हजारौँ रकेट ईजरायलमाथि निरन्तर बर्षाईरहेको छ । यसै गरी ईजरायली सेनाले पनि गाजामा हवाई आक्रमण शुरु गरेको छ । यो आक्रमणमा ९ जनाको मृत्यु भएको बताईएको छ ।
हमासले यो अभियानमा सहयोग गर्न संसारका मुस्लिम देशहरुलाई अपील गरेको छ ।
यस अचानक शुरु भएको भीषण युद्धको चपेटामा नेपालीहरु पनि परेका छन् । खास गरी अध्ययन र रोजगारीमा गएका नेपालीहरु आक्रमणमा परेको र ती मध्य ७ जना नेपाली घाईते भएको ईजरायल स्थित नेपाली दुतावासका अधिकारीहरुले जनाएका छन् ।
नेपालीहरुको उद्धार र उपचारका लागि दुतावासले पहल गरिरहेको बताइएकाृे छ ।
