एजेन्सी असोज ७ । रुसी विदेशमन्त्री सरगेई लाभरोभले अमेरीका सहित पश्चिमा देशहरु झुटको साम्राज्य भएको टिप्पणी गरेका छन् ।
सँयुक्त राष्ट्रसंघको महासभामा संवोधन गर्दा र त्यसपछि पत्रकार सम्मेलनमा बोल्दै उनले हाम्रै आखाँ अगाडी अब विश्वमा नयाँ अर्डर शुरु हुँन थालेको भन्दै अब पश्चिमा देशहरुको नवऔपनिवेशिक पद्धतिले काम नगर्ने चेतावनी दिए ।
महासभामा युक्रेन र रुसबीचको युद्धका बारेमा विभिन्न देशका राष्ट्र प्रमुखहरुले चर्चा गरेपछि लाभरोभले संवोधन गरेका थिए ।
अब बहुध्रुवीय विश्व निर्माणको दिशाले गति लिएको र नयाँ उदीयमान शक्तिहरुले सम्पत्तिको समान वितरण र सभ्यताको विविधिकरणमा जोड दिएको पनि लाभरोभको भनाई छ । उनृले अहिले अमेरीका युक्रेन युद्धमा रुस बिरुद्ध प्रत्यक्ष सामेल भएको बताए ।
अमेरीकी सेनाको तालिम, प्रशिक्षण, हतियार, पैसा र मर्सिनरिको समेत सहभागीताले उ प्रत्यक्ष रुपमा सामेल भएको मानिने उनको टिप्पणी छ । रुस बिरुद्ध लड्न युक्र्रेनलाई अमेरीकाले हालै लामो दुरीको क्षेप्यास्त्र दिने र पैसा दिने घोषणा गरेपछि लाभरोभ आक्रोशित बनेका हुन् ।
