एजेन्सी असोज ५ । युक्रेनका राष्ट्रपति भोलोदिमोर जेलेन्सकी अमेरीका भ्रमणमा गएका छन् । उनले अमेरीकी सांसदहरुसँग कुरा गर्दै यदी अमेरीकाले हतियार र आर्थिक मद्धत जारी नराखेमा रुससँग युद्ध हारिने चेतावनी दिएका छन् ।
रुस र युक्रेनबीच युद्ध शुरु भएपछि दोस्रो पटक जेलेन्स्की अमेरीका पुगेका हुन् । अमेरीकी सांसद चुक सुमेरले पत्रकारहरुलाई उक्त कुराको जानकारी दिएका हुन् ।
जेलेन्स्कीसँगको छलफलपछि उनले क्यापिटल हिलमा पत्रकारहरुलाई उक्त कुरा बताएका हुन् ।
बाईडेन प्रशासनले २४ बिलियन डलर बराबरको हतियार तथा अन्य सहायता उपलव्ध गराउने प्रस्ताव गरेपनि बिपक्षी सांसदहरुको बिरोधको सामना गर्नु परिरहेको छ ।
अमेरीकी अधिकारीहरुले भने युक्रेनलाई सहयोग जारी राख्ने प्रतिवद्धता जनाएका छन् । अमेरीका र यूरोपको हतियार र पैसाको बलमा युक्रेनले रुस बिरुद्ध युद्ध जारी राखेको छ ।
