महाशक्ति कहलिएको अमेरीका ईरानसँग सम्झौता गर्न बाध्य भएको छ । ईरानको जेलमा रहेका पाँच अमेरीकी कैदी छुटाउन अमेरीकाले ईरानको प्रतिवन्धपछि फ्रिज गरिएको पैसा उपलव्ध गराएको छ भने अमेरीकामा रहेका पाँच ईरानी कैदीलाई पनि मुक्त गर्नु पर्ने भएको छ ।
कतारको मध्यस्थतामा यो सम्झौता भएको हो । करीब एक बर्ष लामो बार्तापछि सम्झौता भए लगत्तै पाँच अमेरीकी कैदीलाई ईरानले रिहा गरेको छ । उनीहरु कतार पुगिसकेका छन् ।
यता दक्षिण कोरीयालाई ईरानले कच्चा तेल बेचेर आर्जन गरेको ६ अर्ब डलर पनि ईरानले खर्च गर्ने गरी कतारको खातामा ट्रान्सफर गरिएको छ । यो रकम ईरानले गैरप्रतिवन्धित मानवीय सहायताका बस्तुहरु जस्तै औषधी, खाद्यन्न आदि खरीद गर्न मात्रे प्रयोग गर्न सक्ने अमेरीकी तर्क छ ।
तर ईरानले यो आफ्नो पैसा भएको भन्दै आफ्नो ईच्छा अनुसार प्रयोग गर्ने बताएको छ ।
ईरानमाथि परमाणु हतियार बनाउन खोजेको आरोपमा अमेरीकाले प्रतिवन्ध लगाउँदै आएको छ । जसका कारण ईरानको आर्थिक संकट जटिल बनेको थियो ।
