एजेन्सी । अमेरिकाको हवाई टापुमा भएको भिषण आगलागीमा परी मृत्यु हुनेको संख्या ५३ पुगेको छ ।
स्थानीय अधिकारीहरुका अनुसार खोजी तथा उद्धार कार्य जारी रहेकोले मृतकको संख्या अझै बढ्नसक्छ । प्रशान्त महासागरको हवाई टापुको जङ्गलमा लागेको डढेलो तिब्र गतिको आँधीको कारण माउई टापुको लहाइना शहरमा फैलिंदा ठूलो हताहती भएको हो ।
गभर्नर जोस ग्रीनका अनुसार हवाई टापुमा आगलागिको कारण अहिलेसम्मकै ठूलो क्षती भएको छ । १७ सय भवनहरू ध्वस्त भएका छन् भने ऐतिहासिक शहर लहैनाको ८० प्रतिशत भाग जलेर नष्ट भएको छ । मंगलबारबाट सुरु भएको डढेलोलाई डोरा तुफानबाट उत्पन्न भएको तेज हावाले तिव्र गतिमा फैलाउँदा सर्वसाधारणहरुले भाग्ने मौका समेत पाएनन् । आगलागीपिडित हजारौ नागरिकलाई अस्थायी आश्रय शिविरमा सारिएको छ ।
आगलागीमा एक हजार मानिस वेपत्ता भएको बताईएको छ ।
यसैबीच अमेरिकी राष्ट्रपति जो बाइडेनले हवाई टापुमा ठूलो प्रकोप घोषणा गर्दै पुर्नस्थापनाको लागि आवश्यक कोष जारी गरेका छन् ।
