एजेन्सी साउन १८ । क्यानडाका प्रधानमन्त्री जस्टिन टुडोको आफ्नी श्रीमतीसँगको सम्बन्ध बिच्छेद भएको छ । सानैदेखिका साथी उनीहरुको १८ वर्ष अघि बिहे भएको थियो । हाल उनीहरुको तीन सन्तान रहेका छन् ।
बुधबार सामाजिक सञ्जालमा लेख्दै प्रधानमन्त्री टुडोले पत्नी सोफीसँग सम्बन्ध बिच्छेदको निर्णय सार्वजनिक गरेका हुन् । प्रधानमन्त्री राजधानीमा छन् भने सोफी गृहनगर क्युबेकमा रहेकी छन् । उनी एक टेलिभिजन पत्रकार हुन् ।
सोफीले लगातार तीन निर्वाचनमा टुडोलाई साथ दिएकी थिईन् ।
टुडोले ईन्स्टाग्राममा लेखेका छन्, सोफी र म यस सच्चाईलाई तपाईसँग बाड्न चाहन्छौँ कि धेरै तार्किक र मुस्किल कुराहरुपछि म र सोफीले अलग हुने निर्णय गरेका छौँ । सधै जस्तै हामी एक नजिकको परिवार बनेर रहन्छौँ जहाँ एक अर्कालाई सम्मान र प्रेम हुन्छ र जो हामीले बनाएका छौँ त्यो अगाडी पनि रहन्छ । बच्चाहरुको राम्रोको लागि हामी सबैको र उनीहरुको व्यक्तिगत ईच्छाहरुको सम्मान गर्न अनुरोध गर्दछु । ”
क्यानडाको प्रधानमन्त्री कार्यलयले टुडो र सोफीबीच कानुनी रुपमा सम्बन्ध बिच्छेदको प्रकृया अघि बढेको जनाएको छ । उनीहरुले कानुनी सम्झौतामा हस्ताक्षर गरिसकेका छन् ।
