असार १८ एजेन्सी । फ्रान्समा प्रहरीले ट्राफिक नियम अटेर गरेको भन्दै १७ वर्षे बालकलाई गोली हानेर मारिदिए पछि अहिले त्यही निहुँमा फ्रान्सभर हिंशाको आगो फैलिएको छ । प्रदर्शनकारीहरुले न्यायको माग गर्दै पेरिस सहित अन्य शहरहरुमा बिशाल प्रदर्शन सहित आगजानी, तोडफोडका घटना जारी राखेका छन् ।
यो प्रकरणले उग्ररुप लिईरहेपनि सुरक्षाफौजले अझै नियन्त्रणमा लिन सकेको छैन ।
प्रदर्शनकारीले पेरिसका मेयरको घरमा समेत आक्रमण गरेका छन् ।
फ्रान्सको यही उग्र प्रदर्शनका कारण राष्ट्रपति म्याक्रोनको जर्मनी भ्रमण स्थगित भएको छ । यस घटनामा संलग्न रहेको आरोपमा हाल सम्म प्रहरीले ३ हजार भन्दा धेरै प्रदर्शनकारीलाई पक्राउ गरीसकेको छ ।
यो हिंशाले सामाजिक सञ्जालमा भाईरल रुप लिँदा स्वीजरल्याण्डमा समेत प्रदर्शन शुरु भएको छ । त्याहाँ भेला भएका प्रदर्शनकारीले पसलहरुमा ढुंगामुडा प्रहार गरेका थिए । ती मध्य ७ जनालाई प्रहरीले नियन्त्रणमा लिएको छ ।
