जेठ २४ एजेन्सी । रुस बिरुद्ध युक्रेनले शुरु गरेको प्रत्याक्रमणको तेस्रो दिन सम्म आँउदा युक्रेनी सेनाका ३७०० जवानको मृत्यु भएको रुसी रक्षा मन्त्रालयले दावी गरेको छ ।
रुसी रक्षा मन्त्रालय सरगेई सुगोउले पत्रकार सम्मेलनमा डोनेस्क , लुहान्सक र जेपोरेजियाका विभिन्न फ्रन्टलाईनमा हमला गरेको युक्रेनी फौजलाई निस्तेज पारिएको बताए ।
तीन दिनको युद्धमा मात्रै ५२ ट्यांक, २०७ आर्मर भेईकल, ५ वटा सैन्य विमान, २ वटा हेलिकप्टर र ५३ वटा ड्रोन नष्ट पारिएको सुगोउले उल्लेख गरे । यस हमलामा रुसी सेनाले जर्मनीले दिएको विश्वकै उच्च स्तरीय क्षमता भएको जर्मन लियोपार्ड २ ट्यांक ८ वटा नष्ट पारिएको दावी गरेको छ ।
रुस तर्फ ७१ जवानको मृत्यु, २ सय बढी घाईते भएको पनि रुसी रक्षा मन्त्रालयले जनाएको छ । साथै खेरसनमा रहेको जलबिद्युत आयोजनाको बाँध पनि युक्रेनले ध्वस्त पारेको रुसको आरोप छ । यो बाँध रुसले विष्फोट गरेर उडाएको युक्रेनले जनाएको छ ।
