भारत र बंगलादेशबीच पनि सीमा विवाद थियो । पटक पटक सीमानामा गोली चल्दा दुबै तर्फका सुरक्षाकर्मीको समेत ज्यान जाने गरेको थियो । उनीहरुको सीमा विवाद बंगलादेश नबन्दै पाकिस्तान हुँदै देखिको थियो । अर्थात सन् १९४७ देखि नै ।
बंगलादेशकी प्रधानमन्त्री शेख हसिना वाजेद र भारतीय प्रधानमन्त्री नरेन्द्र मोदीबीचको महत्वपूर्ण छलफल र भेटवार्तापछि सीमा विवाद समाधान भएको हो २०७२ सालमा । २०७२ साल साउन १५ गते राति भारतीय कब्जामा रहेका बंगलादेशको बस्ती र जमिन फिर्ता भएको थियो भने केही बंगलादेश नियन्त्रित बस्ती र जमिन भारत तर्फ मिसाईएको थियो ।
भारत र बंगलादेशबीच करिब १ सय ६० साना भूभाग र तिनका बासिन्दा एकार्कामा साटासाट गरिएको थियो ।
भूमि सम्झौता अनुसार दुई देशबीचको सीमामा रहेर अनागरिकका अवस्थामा रहेकाहरुलाई उनीहरुले रोजेको देशको नागरिकता रोज्न दिने छुट दिइएको थियो ।
जस अनुसार १ सय ६० साना वस्तीहरु एकापसमा साटासाट गरिएको हो । यसबाट ती वस्तीमा रहने करीब ५० हजार व्यक्तिले सुविधा पाएका छन् । विवादास्पद १ सय ११ वटा स्थान बंगलादेशतर्फ र ५१ वटा स्थान भारततर्फ गाभिएका छन् ।
सन् १९४७ मा भारत विभाजन भएदेखि नै यो विवाद कायम थियो । ७६ वर्षदेखि अनागरिकको अवस्थामा रहेकाहरुले यो सुविधा पाएका हुन् ।
