बैशाख १२ काठमाण्डौँ । यस पटकको उपनिर्वाचनले ठूला भनिएका दलहरु बिरुद्ध ठूलो रेक्टरको धक्का दिएको छ । गठबन्धन गरेर वा नगरेर परम्परागत रुपमै हिँड्दै गरेका , जनताले पटक पटक आलोचना गर्दा समेच सच्चिएर काम गर्न नसकेका दलहरुलाई पछिल्लो उपनिर्वाचनको जनमतले अब ठूला दल सच्चिने कि सक्किने भन्ने सन्देश दिएको छ ।
तनहुँ र चितवनको भोटिङ ट्रेन्डले दलको सदस्यता र प्रशिक्षणले मात्रै प्रतिवद्ध हुँदैनन् जनता भन्ने सन्देश दिएको छ । गठबन्धनले तनहुँ र चितवनमा जितेमा मन्त्री बनाउने परमपरागत आस्वासन दिएको थियो । सैनिक हेलिकप्टरमै शीर्ष नेताहरु मत माग्न पुगेका थिए । तर नतिजा उल्टो आयो ।
भर्खरै स्थापित भएको घण्टीले ठूला दलको सातो लिएको छ ।
सिहदरबार र बालुवाटार वरिपरि वरालीरहने, नयाँ कार्यक्रम सहित जनतामा नजाने , सरकारमा बसेर गतिशील काम गर्न नसक्ने र पटक पटक परिक्षण भईसकेका नेताहरु नै सत्ताको केन्द्रमा बसिरहने , पार्टीको नेतृत्वमा बसिरहने र तल्लो स्तरमा प्रत्यक्ष प्रजातन्त्रको अनुभुति नहुने गरी लाद्ने वा लादिने स्थितिबाट कार्यकर्ता र जनता मुक्त हुन खोजेको देखिन्छ ।
अब ठूला दलहरुले आन्तरीक कलह, गुटबन्दी छाडेर नयाँ प्रतिवद्ध कार्यक्रम सहित अघि नबढे र सरकारमा हुनेले गुणात्मक कार्य नगरे दलहरु सक्किएर नयाँ दलहरुले विस्थापित गर्ने संभावना बढेको छ ।
