बैशाख ३ एजेन्सी । भारतको उत्तर प्रदेशस्थित प्रयागराजमा पूर्व सांसद अतिक अहमद र उनका दाजूको प्रहरीले ईन्काउन्टरका नाममा हत्या गरेको छ ।
शनिबार राति १० बजे स्वास्थ्य परीक्षणका लागि अस्पताल लैजाँदै गर्दा अतिक अहमद र असरफ अहमदको प्रहरी घेरामै गोली हानी हत्या गरिएको हो ।
गुण्डा नाइकेबाट राजनीतिकर्मी बनेका उनीहरु मिडियासँग कुरा गर्दै अघि बढेको बेला भीडबाट उनीहरुमाथि गोली प्रहार भएको थियो । गोली हानेको दृष्य पनि क्यामेरामा कैद भएको छ ।
घटनालगत्तै प्रहरीले तीन जनालाई पक्राउ गरेको छ । पक्राउ पर्नेमा लवलेश तिवारी, अरुण मौर्य र सनी कासगञ्ज रहेका छन् ।
उनीहरु रिपोर्टर बनेर अहमद दाजुभाईको नजिक पुगेको प्रहरीको प्रारम्भिक अनुसन्धानबाट खुलेको छ । यो हत्यामा प्रहरीकै संलग्नता रहेको भन्दै बिरोध समेत भएको समाचार छ ।
उत्तर प्रदेश विधानसभामा चार पटक सांसद रहिसकेका अतिक अहमदमाथि अपहरण, हत्या, असुली, बलात्कार लगायत एक सय बढी आरोपहरु विभिन्न अदालतमा विचाराधीन छन् । ४४ वर्ष अघि उमेश पाल नामक ब्यक्तिको अहरणपछि हत्या गरेको आरोपमा गत महिना अदालतले अतिकलाई जन्मकैदको सजाय सुनाएको थियो ।
अतिक अहमदका छोरा दुई दिन अघि झाँसीमा प्रहरी कारबाहीमा मारिएका थिए ।
