चैत्र २२ काठमाण्डौँ । राष्ट्रिय स्वतन्त्र पार्टीका सभापति रवि लामिछाने विरुद्ध परेको राहदानी मुद्धाको सुनुवाई आज शुरु हुँदैछ । सरकारी वकिलको कार्यलय र महान्यायधीवक्ताको कार्यलयले मुद्धा नचलाउने निर्णय गरेपछि त्यो खारेज गर्दै मुद्धा चलाउन माग सहित युवारज पौडेलले सर्वोच्चमा रिट दर्ता गरेका हुन् ।
मंगलबारका लागि सुनुवाइको पेसी तोकिए भए पनि न्यायाधीश अनिल कुमार सिन्हाले मुद्दा हेर्न नमिल्ने भएपछि आजका लागि न्यायाधीश सिन्हारहितको इजलासमा उक्त रिटमाथि सुनुवाइ हुने सर्वोच्च अदालतले जनाएको छ ।
सर्वोच्चका न्यायाधीश सिन्हाले यसअघि संवैधानिक इजलासमा आफ्ना राय आइसकेकाले आफूरहितको इजलासमा निवेदन पेस गर्नुपर्ने जनाएका थिए।
यस अघि नागरिकता प्रकरणमा लामिछानेको सांसद र मन्त्री पद खारेज भए पछि चितवन २ मा पुनः उपनिर्वाचन हुँदैछ । पासपोर्ट मुद्धा बल्झिए चितवनमा फेरी समस्या आउन सक्ने भएकाले निर्वाचन अघि नै यो मुद्धाको छिनोफानो हुनु पर्नेमा सर्वसाधारणको समेत चासो देखिन्छ ।
