एजेन्सी चैत्र १४ । सँयुक्त राष्ट्रसंघ र अमेरीका सहित पश्चिमा राष्ट्रहरुको प्रतिवन्धका कारण एक्लिएको उत्तर कोरीयाले आत्मनिर्भर रुपमा शक्तिशाली हतियारको विकासमा भने पछि परेको छैन ।
अमेरीकी सुरक्षा छाता भित्र रहेका दक्षिण कोरीया र जापान जहिले पनि उत्तर कोरीयासँग संवेदनशील हुँदै आएका छन् ।
पछिल्लो समय उत्तर कोरीयाले आणविक हतियार प्रहार गर्न सक्ने ड्रोनको विकास गरेको घोषणा गरेको थियो ।
उत्तर कोरीयाले पुनः राष्ट्रपति किम जोङ उनका अगाडी लस्करै राखिएका ट्याक्टिकल परमाणु बमहरुको तस्वीर सार्वजनिक गरेको छ । यसप्रति पश्चिमा शक्तिहरुले चिन्ता जनाएका छन् । उत्तर कोरीयाले यी कार्यनीतिक हतियारहरुले दक्षिण कोरीयाको सबै भागमा आक्रमण गर्न सक्ने सन्देश दिएका छन् ।
उत्तर कोरीयाले यस अघि पटक पटक अन्तरमहादेशीय ब्यालेष्टीक मिसाईलको परीक्षण गरेको थियो ।
उत्तर कोरीयाले प्रतिवन्धका बीच परमाणु हतियार विकास गरीसकेकाले अघिल्लो अमेरीकी राष्ट्रपति डोनाल्ड ट्रम्पले किम जोङ उनसँग वार्ता गरेका थिए ।
