एजेन्सी फागुण १० । रुसी राष्ट्रपति भ्लादीमीर पुटिनले युक्रेनलाई प्रयोग गरेर पश्चिमा शक्तिहरुले विश्वव्यापी युद्ध निम्त्याउन खोजेको बताएका छन् ।
युक्रेनमा सैन्य कार्बाही शुरु गरेको एक बर्ष पुगेका बेला संसदलाई संवोधन गर्दै पुटिनले युक्रेनमा सन् २०१४ देखि नै पश्चिमाहरुले हस्तक्षेप र प्रयोग गरेको बताए ।
रुसले शुरु गरेको कार्बाही युक्रेनी जनतासँग नभई पश्चिमा कभरमा उभिएको नवनाजीवादीहरु बिरुद्धको कार्बाही भएको उनले बताए ।
सन् २०१४ पछि नाजीवादीहरुले रुसी भाषी युक्रेनी नागरिकमाथि अत्याचार गरेकाले ती जनताको सहयोगका लागि रुसले हस्तक्षेप गर्नु परेको बताए ।
अहिले लामो दुरीको हतियार र सैन्य उपकरण र पैसा दिएर पश्चिमाहरुले नाजीवादीहरुलाई प्रयोग गरिरहेको उनले बताए ।
पश्चिमाहरुले रुसलाई उथल पुथल गर्न लगाएको प्रतिधन्धहरु असफल भएको पनि पुटिनको दाबी छ । पुटिनले सोही अवसरमा अमेरीकासँगको परमाणु अस्त्र नियन्त्रण सम्बन्धि सन्धि स्टार्ट ट्रिटी पनि निलम्वनको घोषणा गरेका छन् ।
यसले रुसले थप परमाणु हतियारको परिक्षण गर्न सक्ने अनुमान शुरु भएको छ । रुस हाल विश्वमै सबै भन्दा धेरै परमाणु हतियार भएको मुलुक हो ।
