फागुण ५ काठमाण्डौँ । नेपाली क्रिकेटमा सँधै समस्याग्रस्त देखिने गरेको व्याटीङ लाईनमा यस पटक सुधारको संकेत देखिएको छ । नेपालले घरेलु मैदानमा लगातार बिशाल लक्ष्य पूरा गर्दै जित हाँसिल गरेर त्यो संकेत दिएको हो ।
नामिवियाले दिएको २८८ रनको लक्ष्य पूरा गरेर ऐतिहासिक रेकर्ड राखेको नेपालले आज स्कटल्याण्डले दिएको २७५ रनको लक्ष्य पनि पूरा गरी जीत दर्ता गर्यो ।
स्कटल्याण्डले पुरै ५० ओभरमा ९ विकेट गुमाएर १७४ रन बनाएको थियो । नेपालले उक्त लक्ष्य ७ विकेट गुमाएर ४७ औँ ओभरमा पूरा गर्यो ।
शुरुमा लडखडाएको नेपाली पारीलाई दिपेन्द्र सिंह ऐरी र कुसल मल्लले उकासेका थिए । ऐरी ८५ रनमा नटआउट रहँदा १ छक्का र ८ चौका प्रहार गरे ।
यसै गरी कुसल मल्लले ६७ बलमा ८१ रनको योगदान दिएर नेपाली टिमलाई उकासे । उनले चार छक्का र ९ चौका प्रहार गरे ।
ओपनर आशिफ शेख ९, कुसल भुर्तेल १६ र ज्ञानेन्द्र मल्ल ४, रोहित पौडेल ६, सन्दीप जोराले ५ रन जोडे भने सोमपाल कामी २४ रनमा अविजित रहे ।
नेपालले शनिबार स्कटल्याण्डसँग दोस्रो खेल खेल्नेछ ।
