दोहा पुष १२ । चारपल्टको विश्वकप विजेता जर्मनीले समुह चरणको दोस्रो खेलमा पनि जित हासिल गर्न नसके पछि उसको नकआउट चरण प्रवेशको संभावना जटिल बनेको छ । गएराति सम्पन्न खेलमा स्पेनसँग जर्मनी एक एक गोलको बराबरीमा रोकिएको छ । पहिलो खेलमै जापानसँग स्तव्ध बनेको जर्मनीले अघिल्लो चरण प्रवेशको संभावना बलियो बनाउन जित आवस्यक थियो ।
तर उसले स्पेनसँग अन्त्यतिर गोल गर्दै बराबरीमा टुंग्यायो ।
समुह चरणमा चार अंक सहित स्पेन शीर्ष स्थानमा रहेको छ भने जापान दोस्रो स्थानमा र कोष्टारिका तेस्रो स्थानमा रहेको छ । जर्मनी १ अंक सहित पुछारमा रहेको छ ।
अब अघिल्लो चरण प्रवेश गर्न जापान र स्पेनको खेलमा मात्र भर पर्ने छैन एवं जमनीले कोष्टारिकालाई भारी गोलान्तरले हराउनु पर्नेछ ।
समुहको पहिलो खेलमा कोस्टारिकाले जापानललाई १-० ले पराजित गरेको थियो । स्पेन(जर्मनीको बराबरीसगै यो समूहको शीर्ष दुईमा रहेर नकआउटमा छनोट हुने सम्भावना चारै टिमका लागि खुला भएको छ ।
