मंसीर १० एजेन्सी । विश्वभरी नै प्रस्ख्यात अर्जेन्टीनी फुटवल स्टार लियोनल मेसीले क्लब फुटवलमा अनेक किर्तिमान बनाए पनि विश्वकप जिताउन नसकेकोमा आलोचित छन् ।
अघिल्लो विश्वकपमा यस्तै अवस्था आएपछि मेसीले सन्यास लिएका थिए तर समर्थक र प्रशिक्षकको दबाबमा उनी फेरी सन्यास फिर्ता लिएर राष्ट्रिय टोलीमा फर्किए ।
उनको यो संभवतः अन्तिम विश्वकप हुनेछ । जसको ट्रफी जितेर उनी जीवनकै उत्कृष्ट सम्मान पाउने चाहनामा छन् । तर यो चाहनाले हुँदैन खेल जित्नु पर्ने हुन्छ । त्यही खेलका क्रममा मेसीले शुरुवाती गोल गर्दा गर्दै पनि कतार विश्वकपको समुह चरणको पहिलो खेलमै साउदी अरेबियासँग स्तव्ध भएको टोलीले आज दोस्रो खेल मेक्सिकोसँग खेल्दैछ ।
राति पौने १ बजे हुने खेलमा आज जीत हात नपारे मेसी निराश भएर घर फर्कनु पर्नेछ । त्यसैले आजको खेलमा स्पष्ट तीन अंक हासिल गर्न मेसी तयार छन् ।
त्यस अघि आज ट्युनिशिया र अष्ट्रेलियाबीच ३ः४५ बजे, पोल्याण्ड र साउदीबीच ३ः४५ बजे, फ्रान्स र डेनमार्कबीच ९ः४५ बजे खेल शुरु हुनेछ ।
