भदौ ३१ काठमाण्डौँ । साफ् महिला च्याम्पियनसिपको ईतिहासमा उपाधीका लागि सँधै तगारो बन्दै आएको भारतलाई पाखा लगाउदै नेपाल यस पटक फाईनल प्रवेश गरेको छ ।
दशरथ रंगशालामा आज सम्पन्न दोस्रो सेमिफाईनलमा नेपालले भारतलाई एक शुन्य गोल अन्तरले पराजीत गर्यो । नेपालका लागि रस्मी घिसिंगले पहिलो हाफ्को अतिरिक्त समयमा गोल गरिन् ।
नेपालले गोलका थुप्रै अवसर पाए पनि सदुपयोग गर्न सकेन । नेपालको पोष्टमा भारतीय खेलाडीले गरेको प्रहार गोल रक्षक अञ्जलीले उत्कृष्ट बचाउ गरेकी थिईन् ।
नेपालले अब उपाधीका लागि बंगलादेशको सामना गर्नेछ । यस अघि भारत र नेपाल भन्दा कमजोर मानिएको बंगलादेश यस पटक उत्कृष्ट लयमा देखिएको छ । उसले आज पहिलो सेमिफाइनलमा भुटान बिरुद्ध आठ शुन्य गोल अन्तरले पराजीत गर्दै फाईनल प्रवेश गरेको छ । नेपाल यस अघि चार पटक फाईनल पुगेर पनि भारतसँग पराजय व्यहोर्दै उपाधी उचाल्न असफल हुँदै आएको थियो । बंगलादेश योसँगै दोस्रो पटक फाईनल पुगेको छ ।
