१७ भदौ, काठमाडौं । राष्ट्रिय परीक्षा बोर्ड परीक्षा नियन्त्रण कार्यलयले कक्षा १२ को नतिजा सार्वजनिक गरेको छ ।
गत जेठ १६ गतेदेखि २५ गतेसम्म सञ्चालन गरेको परीक्षाको नतिजा बोर्ड शुक्रबार प्रकाशित गरेको हो ।
यस वर्ष १ लाख ८८ हजार ४१० जना नन ग्रेडिङमा परेका छन् । उनीहरुले उच्च शिक्षामा भर्ना हुन पाउने छैनन् ।
बोर्डका अनुसार ३.६१ देखि ४ जीपीए ल्याउने परीक्षार्थीको संख्या ४ हजार १ सय ७९ रहेको छ।
बोर्डका सदस्य सचिव दुर्गाप्रसाद अर्यालले नियमिततर्फ ३ लाख ६३ हजार ८, ग्रेड वृद्धितर्फ ३० हजार ४५ र आंशिक ३ हजार १३२ परीक्षार्थी सहभागी रहेको बताए।
४३ जना परीक्षार्थीको परीक्षा रद्द भएको बोर्डले जनाएको छ। ३५ प्रतिशतभन्दा कम अंक ल्याउनेलाई ग्रेडवृद्धि परीक्षाको अवसर दिइने छ। ग्रेडवृद्धि परीक्षा असोज ३० र ३१ गते हुने छ।
यसरी हेर्न सकिन्छ परीक्षाको नतिजा
कक्षा १२ को नतिजा सजिलैसँग प्राप्त गर्नको लागि लेन्डलाइन र मोबाइल बाट १६०१ डायल गरी निर्देशन अनुसार सम्बोल नम्बर थिच्नुहोस् वा एसएमएस बाट NEB टाइप गरी १६०१ मा पठाउनुहोस् । https://neb.ntc.net.np/ बाट पनि नतिजा हेर्न सकिन्छ ।
