साउन २ काठमाण्डौँ । भारतमा हुने साफ यू–२० च्याम्पियनसिपका लागि २३ सदस्यीय नेपाली टोलीको घोषणा भएको छ।
भारतको भुवनेश्वरमा साउन ९ गतेदेखि २० गते सम्म हुने च्याम्पियनसिपका लागि मुख्य प्रशिक्षक मेघराज केसीले सोमबार टोलीको घोषणा गरेका हुन्।
पाँच टोली सहभागी च्याम्पिनयसिप राउण्ड रोबिनमा हुनेछ। शीर्ष २ टोलीले उपाधिका लागि खेल्नेछन्।
नेपालले आगामी साउन ९ गते माल्दिभ्ससँग खेल्दै च्याम्पियनसिपको सुरुवात गर्नेछ। साउन ११ गते श्रीलंकासँग, १५ गते घरेलु टोली भारतसँग खेल्ने तालिका छ। समूह चरणको अन्तिम खेलमा १७ गते बंगलादेशसँग खेल्नेछ।
नेपाली टोलीमा गोलकिपर – इश्वर गुरुङ, युनेश चौधरी, जियारथ शेख छन् ।
डिफेन्डर– अमर श्रेष्ठ, सोनित दाहाल, आयुष श्रेष्ठ, अजय चौधरी, सुमित श्रेष्ठ, सृजन धानी, रोशन थापा, अभिषेक वाइवा रहेका छन् ।
मिडफिल्डर – दीपेश गुरुङ, आशिष राई, सन्दीप कार्की, जन्मजय धामी, मोहित गुरुङ, कृतिश रत्न छुन्जु, सुगम सुवाल, मनग्य नकर्मी, आयुष घलान छन् ।
फरवार्डमा – दीपेश राई, निराजन मल्ल, रोशन खड्गी रहेका छन् ।
