असार २९ काठमाण्डौँ । वल्र्ड क्रिकेट लिग डिभिजन टु मा नेपालले आयोजक स्कटल्याण्ड बिरुद्ध पाँच विकेटको शानदार जीत हासिल गरेको छ । आज राति सम्पन्न खेलमा नेपालले स्कटल्याण्डलाई पाँच विकेटले हरायो ।
स्कटल्याण्डले दिएको १४५ रनको लक्ष्य नेपालले पाँच विकेट गुमाएर २६ आँै ओभरमा पूरा गर्यो ।
नेपालका लागि आशिफ शेखले सर्वाधिक ७१ रनको योगदान दिए । ६२ बल खेलेका उनले १० चौका र एक छक्का प्रहार गरे । अर्का ओपनर कुसल भुर्तेलले पनि २७ रनको योगदान दिए ।
रोतिह पौडेलले अविजित ३४ रन बटुल्दा देव खनाल ४, दिपेन्द्र सिंह ऐरी ३ र आरिफ शेख १ रनमा आउट भए ।
नेपालका बलर सोमपाल कामी र मोहम्मद आदिल आलमले समान तीन तीन विकेट लिए भने सन्दीप लामीछानेले २ , करण केसी र दिपेन्द्र सिंह ऐरीले एक एक विकेट लिए ।
यो जीतसँगै नेपालको १८ खेलबाट १७ अंक जोड्दै अंक तालिकाको पाँचौ स्थानमा उक्लिएको छ ।
त्रिकोणात्मक सिरिजको पहिलो खेलमा नेपाल नामिवियासँग पराजीत भएको थियो ।
नेपालले अब एक खेल नामिवियासँग र स्कटल्याण्डसँग एक खेल खेल्न बाँकी रहेको छ ।
