काठमाण्डौँ चैत्र ४ । युएई बिरुद्धको एक दिवसीय क्रिकेटमा नेपालका ब्याट्सम्यानले खराब शुरुवात गरेका छन् ।
नेपालले १६९ रनको मध्यम लक्ष्य बिरुद्ध शुरुवातमा झड्का बेहोरेको हो । ओपनर कुसल भुर्तेल १२, आशिफ शेख ७ रनमा आउट हुँदा भरपर्दा ब्याट्सम्यान दिपेन्द्र सिंह ऐरी पनि ४ रनमा आउट भएपछि नेपाल केही दबाबमा आएको छ । यो खबर तयार पार्दा सम्म नेपालले ११ ओभरमा ३ विकेट गुमाएर ३७ रन बनाएको छ ।
यस अघि नेपालका बलरहरु चम्किदा युएई १६८ रनमा अलआउट भएको थियो। टस हारेर ब्याटीगं गरेको युएईलाई ४६.३ ओभरमा अलआउट गर्ने क्रममा सोमपाल कामीले चार विकेट लिए ।
उनले ९ ओभरमा ३९ रन दिएर उक्त विकेट लिएका हुन् । त्यसपछि करण केसीले ७।३ ओभरमा १६ रन मात्र खर्चेर ३ विकेट लिए ।
सन्दीप लामीछाने , दिपेन्द्र सिंह ऐरी र सागर ढकाल ले समान एक एक विकेट लिए ।
युएईका लागि रिजवान र मुस्ताफाले सर्वाधिक ४० -४० रन बनाए ।
