नेपालले विश्वकप छनौट क्रिकेटमा फिलिपिन्सलाई १३६ रनको भारी अन्तरले पराजीत गरेको छ । यो जीतसँगै नेपाल एक खेल अघि नै सेमिफाईनल प्रवेश गर्ने लगभग निश्चित बनेको छ । ्
आज टस हारेल ब्याटीङ गरेको नेपालले दिएको २१९ रनको बिशाल लक्ष्य पछ्याएको फिलिपिन्स ८ विकेटको क्षतिमा ८२ रनमा समेटिएपछि नेपालले सहज जीत हात पारेको हो ।
नेपालले फिलिपिन्सलाई सस्तोमा समेट्ने क्रममा कप्तान सन्दीप लामीछाने एक्लैले तीन विकेट लिए । त्यसै गरी गुल्सन झा, अविनाश बोहरा, कुसल मल्ल, दिपेन्द्र सिंह ऐरीले समान एक एक विकेट लिए । फिलिपिन्सका लागि जोर्डन एलेग्रा २७ र डेनियल स्मिथले २० रन जोड्नु बाहेक अन्यले दोहोरो स्कोर बनाउन सकेनन् ।
त्यस अघि नेपालले फिलिपिन्स बिरुद्ध आक्रामक ब्याटीङ गर्दै ३ विकेटको क्षतिमा २१८ रनको बिशाल योगफल बनायो ।
नेपालका लागि शतक पुरा गरेका कुसल भुर्तेलले विष्फोटक ब्याटीङ गर्दै ६१ बलमा १०४ रन जोडे । उनले १३ चौका र एक छक्का प्रहार गरे । उनीसँग उत्कृष्ट साझेदारी गरेका दिपेन्द्र सिंह ऐरीले पनि विष्फोटक ब्याटीङ गर्दै ४७ बलमा ८३ रन बनाए । उनले चार छक्का र ६ चौका हिर्काएर आउट भए । कुसल मल्ल १२ रनमा पेभिलियन फर्किए ।
ओपनर आशिफ शेख शुन्य रनमा आउट भएका थिए । लोकेश बमले अवितीज ६ रन बनाए ।
यो लगातारको जीतपछि नेपाल चार अंक सहित समुहको शीर्ष स्थानमा रहँदै सेमिफाईनलमा स्थान लगभग पक्का गरेको छ । अब नेपाल अन्तिम खेलमा क्यानडा बिरुद्ध पराजीत हुँदा पनि रनरेटका आधारमा सेमिफाईनल पुग्ने संभावना बलियो छ ।
टी २० विश्वकप छनोट प्रतियोगितामा नेपाल समूह ‘ए’ मा छ। समूह ‘ए’ मा नेपाल र आयोजक ओमानसहित बहराइन, क्यानडा, जर्मनी, आयरल्यान्ड, फिलिपिन्स र युएई गरी आठ टिम छन्।
समूह ‘ए’ अन्तर्गत पनि समूह १ मा नेपाल, ओमान, फिलिपिन्स र क्यानडा छन्। समूह २ मा बहराइन, जर्मनी, आयरल्यानड र युएई रहेका छन्।
समूह १ र २ का शीर्ष दुई दुई टिम सेमिफाइनल पुग्नेछन्। त्यसबाट पनि फाइनल पुग्ने दुई टिमले यहि वर्षको अन्त्यमा अस्ट्रेलियामा हुने विश्वकपमा स्थान पक्का गर्नेछन्।
