काठमाडौं । नेपाली क्रिकेट ईतिहासका सर्वाधिक सफल प्रशिक्षक हुन् पुवुदु दासानायके । उनले यस अघि नेपाललाई टी ट्वेन्टी विश्वकपमा छनौट गराएका थिए । उनले भोलीबाट शुरु हुने विश्वकप छनौटमा पनि नेपाललाई पुर्याउने दोस्रो लक्ष्य लिएका छन् । तर यस पटक पहिलाको अनुभवि र सर्वाधिक सफल कप्तान पारस् खड्का छैनन् । यस पटक युवा कप्तान सन्दीप लामीछाने रहेका छन् ।
आईसीसी टी–ट्वान्टी विश्वकप ग्लोबल छनोट अन्तर्गत आयोजक ओमानविरुद्धको खेलअघि दासानायेके र लामिछानेले नेपालले यसै वर्ष अष्ट्रेलियामा हुने विश्वकपका लागि छनोट हुने विश्वास व्यक्त गरेका छन् ।
नेपालले आयोजक ओमानविरुद्ध शुक्रबार अल अमेरात क्रिकेट मैदानमा ग्लोबल छनोटको पहिलो खेल खेल्दैछ ।
ओमानविरुद्धको खेल अघि प्रशिक्षक दासानायकेले नेपाल राम्रो अवस्थामा रहेको र खेलाडीहरु फर्ममा रहेको बताए । उनले ओमानमा भएको चारदेशीय टी–ट्वान्टी सिरिजमा खेलेका तीन खेलले खेलाडीलाई ओमानको कन्डिसन बुझ्न र उच्च स्तरको खेलका लागि तयार पार्न मदत गरेको बताए ।
कप्तान लामिछानेले विश्वकप छनोटका लागि चारदेशीय सिरिज विश्वकप छनोटको लागि एकदशै महत्वपूर्ण रहेको र छनोटका लागि टिम सक्षम रहेको बताए ।
यस अघि ओमनमै भएको चार देशीय श्रृखलामा नेपाल दुई खेलमा पराजीत हुँदै पुछारमा रहेको थियो ।
