काठमाडौं । १९ वर्षमुनिको एसिया कप एकदिवसीय क्रिकेटमा बंगलादेशले नेपालसामु २ सय ९८ रनको लक्ष्य दिएको छ । युएईको सारजाह मैदानमा टस जितेर पहिला ब्याटिङ रोजेको बंगलादेशले निर्धारित ५० ओभरमा ४ विकेट गुमाएर २ सय ९७ रन बनाएको हो ।
उसका लागि प्रन्तिक नवरोज नबिलले अविजित रहँदै सर्वाधिक १ सय २७ रन बनाए । यस्तै, मोहम्मद फहिमले ५८ रन बनाए ।
नेपालका गुल्सन झा, टीका भण्डारी र मोहम्मद अदिल आलमले समान एक–एक विकेट लिए ।
अहिले नेपालले जवाफी ब्याटिङ गरीरहेको छ । विशाल लक्ष्य पछ्याएको नेपालले खराब शुरुवात गरेको छ । नेपालले १० ओभरमा २७ रन मात्रै जोड्दा तीन विकेट गुमाईसकेको छ ।
नेपालका देव खनाल १२ रन , अर्जुन कुमार ५ रन र सन्तोष कार्की ३ रनमा आउट भएका छन् ।
समूह बी मा रहेको नेपालले दोस्रो खेल श्रीलंकाविरुद्ध डिसेम्बर २६ मा खेल्नेछ । नेपालले समूह चरणको अन्तिम खेल कुवेतविरुद्ध डिसेम्बर २८ मा खेल्नेछ ।
दुवै समूहबाट शीर्ष दुई टोली सेमिफाइनलमा प्रवेश गर्नेछन । दुबै सेमिफाइनल डिसेम्बर ३० मा हुनेछ । फाइनल भने जनवरी १ मा हुने तालिका रहेको छ ।
