युवा तथा साना व्यवशायी स्वरोजगार कोषका कार्यकारी उपाध्यक्ष डा. देवराज रोका ( कल्याण) लाई युवा तथा खेलकुद मन्त्रालयले काजमा मन्त्रालय तानेको छ । अदालतबाट मंसीर १७ मा पुनस्थापित भएर पुनः काममा खटेका उपाध्यक्ष डा. रोकालाई पुष ५ मा मन्त्रालय काजमा तानिएपछि आज पत्रकार सम्मेलन गरी डा. रोकाले यो काज सरुवा नियमावली विपरीत रहेको भन्दै आफू काजमा नजाने चेतावनी दिएका छन् ।
पुष १२ गते सर्वोच्चले अन्तिम फैसला दिन लागेको र आफूले सो फैसला स्वीकार गर्ने भन्दै सरकारले स्वरोजगार कोष बन्द गर्ने मनशायले हस्तक्षेप गरेको भन्दै बरु घाँटी रेटिन तयार रहेको तर कोष बन्द गर्न नदिने चेतावनी दिएका छन् ।
यो आफ्नो मात्रै मामला नभई सबै बेरोजगार युवाहरुको मामला भएको डा. रोकाको भनाई छ ।
गत वर्ष भदौ १ गते नियुक्त भएका डा. रोकालाई देउवा सरकार आएपछि सरकारले कार्तिक १५ गते बर्खास्त गरेको थियो । त्यस बिरुद्ध सर्वोच्चमा मुद्धा दायर गरेका रोका अदालतको अन्तरीम आदेश पछि पुनः पदबहाली गरेर काममा लागेका थिए ।
