प्रजातन्त्र सेनानी चन्द सहितका योद्धाहरुलाई नागरिक अभिनन्दन

प्रजातन्त्र सेनानी चन्द सहितका योद्धाहरुलाई नागरिक अभिनन्दन

  • मङ्लबार, कार्तिक ३०, २०७८
  • डम्मर दत्त भट्ट

  • 7.7K
    SHARES

कञ्चनपुर, ३० कात्तिक ।
प्रजातन्त्र पुर्नबहालीका लागि संघर्षमा होमिएका कञ्चनपुरका प्रजातन्त्र सेनानी मदन चन्द सहितका योद्धाहरुलाई नागरिक अभिनन्दन गरिएको छ ।
प्रजातन्त्र सेनानी मदन चन्द नागरिक अभिनन्दन मुल आयोजक समितिले प्रजातन्त्र सेनानी चन्द सहितका प्रजातान्त्रिक योद्धाहरुलाई नागरिक अभिनन्दन गरिएको हो । मंगलबार प्रजातान्त्रिक सेनानी चन्दलाई महेन्द्रनगरको त्रिबेणी चोकदेखि रथारोहण सहित बजारमा परिक्रमा गरिएको थियो ।
प्रजातन्त्र सेनानी चन्दको ३० कार्तिकमा ८९ बर्षको अवसर पारेर रथयात्रा सहित चन्दको ग्रन्थ बिमोचन समेत गरिएको छ । पञ्चायती व्यवस्था बिरुद्ध अभियानका सुदुरपश्चिमका एक मजबुत खम्बाका रुपमा परिचित तथा जिउँदा सहिदको उपमा पाएका चन्दको ग्रन्थलाई समेत बिमोचन गरिएको छ ।
कार्यक्रममा प्रमुख अतिथि काँग्रेस केन्द्रीय सदस्य तथा पुर्वमन्त्री रमेश लेखकले चन्दको जिवनमा आधारित ग्रन्थ बिमोचन गर्दै चन्दले देशका लागि गरेको योगदानको कदर गरेका छन । चन्द सहितका जनताको अधिकारका लागि संघर्ष गरेका दर्जनौँ योद्धाहरुलाई प्रमाण पत्र सहित दोसल्ला ओढाएर सम्मान गरिएको छ ।
चन्द ०४७ साल पछि कञ्चनपुरदेखि काठमाडौँको सिंहदरबारमा हिम्मती र इमान्दार नेताका रुपमा चिनिएका योद्धा हुन । भीमदत्त नगरका उपप्रमुख शुशिला चन्दको सभापतित्वमा भएको कार्यक्रममा प्रजातन्त्र सेनानी मदन चन्द नागरिक अभिनन्दन मुल आयोजक समिति संयोजक एव काँग्रेस नेता पुर्वमन्त्री तारणाीदत्त चटौतको संयोजकत्व र काँग्रेस केन्द्रीय सदस्य रमेश लेखकको प्रमुख आतिथ्य सहितको कार्यक्रममा विभिन्न क्षेत्रका व्यक्तित्वको सहभागिता रहेको थियो ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ