प्रदेश १ को प्रदेश सभा बैठक कात्तिक १५ गतेसम्मका लागि स्थगित भएको छ।
प्रदेश सभा सचिवालयले आज सूचना टाँस गर्दै अर्को बैठक कात्तिक १५ गते बस्ने जानकारी दिएको छ।
आजको बैठकमा मुख्यमन्त्री भीम आचार्यले पेस गरेको विश्वासको मत माग्ने प्रस्तावमाथि मतदान गर्ने कार्यसूची थियो। सत्तारूढ एमाले र विपक्षी दल नेपाली कांग्रेस दुबैले आजको बैठक स्थगित गर्न निवेदन दिएका थिए।दलहरूको मागअनुसार बैठक सारिएको हो।
काँग्रेसका केही सांसदले फ्लोर क्रस गर्न सक्ने भएकाले काँग्रेसले स्थगितको माग राखेको र एमालेले सत्ता लम्ब्याउन भएपनि आन्तरीक कारण देखाएर त्यस्तो माग गरेको एक सांसदको दाबी छ ।
यो बैठक लम्बिदा मुख्यमन्त्री आचार्यको सत्ता भने केही दिन लम्विने भएको छ ।
काँग्रेस संसदीय दलका नेता राजीव कोईरालाले सरकार आधा आधा कार्यकाल नेतृत्व गर्न पाउनु पर्ने माग गरेका छन् ।