लुम्बिनी विकास बैंक लि.र पोखराको लेकसाइडमा अवस्थित कुटि रिसोर्ट प्रा. लि.बीच आज सम्झौता भएको छ । बैंकले आफ्ना ग्राहकहरुलाई बिभिन्न सेवा तथा सुबिधाहरुमा छुट दिनको लागि रिसोर्टसँग सम्झौता गरेको हो । कुटि रिसोर्ट प्रा. लि. पोखराको मुटु तथा मुख्य पर्यटकिय स्थल फेवातालको नजिक रहेको छ । सम्झौतामा उल्लेख भए अनुसार लुम्बिनी विकास बैंक लि. का आफ्ना सम्पुर्ण ग्राहकहरुलाइ कुटि रिसोर्ट प्रा. लि. का बिभिन्न सेवा तथा सुबिधाहरुमा २५% सम्म छुट प्रदान गर्ने छ । कुटि रिसोर्ट प्रा. लि. को बिभिन्न सेवा तथा सुबिधाहरु अन्तर्गत ग्राहक महानुभावहरुले खाना तथा बस्न, ब्यायम तथा स्वास्थ्य क्लब, स्वीमिङ्ग पुल, स्पा तथा स्उनाको आनन्द लिन सक्ने छन् ।
सम्झौतामा लुम्बिनी विकास बैंकको तर्फबाट मुख्य प्रबन्धक श्री दिपक खनाल र कुटि रिसोर्ट प्रा. लि. को तर्फबाट मेनेजिङ्ग डाईरेक्टर देबेन्द्र के. सी. ले संयुक्त रुपमा हस्ताक्षर गर्नु भयो ।
लुम्बिनी विकास बैंकले “निरन्तर सहयात्रा” भन्ने नाराका साथ देशभरका ७२ शाखाहरु र १७ वटा एटिएमबाट आफ्ना करिब २ लाख ७४ हजार ग्राहक महानुभावहरुलाई उच्च स्तरीय, आधुनिक एवं नविनतम प्रविधिसहितको बैंकिङ्ग सेवा प्रदान गर्दै आईरहेको छ ।
हाल बैंकले आफ्ना ग्राहकहरुलाई निशुःल्क डेविट÷एटिएम कार्ड वितरण गर्नुका साथै उक्त कार्डबाट नेपालभित्रका कुनै पनि बैंकका भिजा नेटवर्क भएका एटिएमबाट रकम झिक्दा कुनै पनि अतिरिक्त शुःल्क नलाग्ने व्यवस्था मिलाएको छ ।
