ओमनमा चलिरहेको विश्व क्रिकेट लिग २ अन्तर्गतका खेलमा नेपाललाई दोस्रो झड्का लागेको छ । टस हारेर अमेरीकाले फिल्डिङ रोजेपछि नेपालले व्याटीङ थालेको छ । नेपालले तेस्रो ओभरमै ५ रन भित्र पहिलो विकेट गुमाएर दबाबमा आएको बेला कुसल भुर्तेलले नेपालको पारी केही उकासेका थिए । उनी पनि १२ औँ ओभरमा ३६ रन बनाएर आउट भए । उनले एक छक्का र चार चौका प्रहार गरेका छन् । त्यस अघि आशिफ शेख ३ रनमा आउट भएका थिए ।
यस अघिको पहिलो खेल जीतिसकेकाले नेपाल अमेरीका बिरुद्ध जीतकै निरन्तरताको रणनीतिमा छ । अघिल्लो खेलमा अमेरीकामाथि ५ विकेटको जीत निकालेको थियो ।
तर ओमनसँगको खेलमा निराशाजनक प्रदर्शन गरेको टोलीमा आज केही खेलाडी परिवर्तन सहित रणनीति परिवर्तन हुन सक्ने छ ।
ओमन यो समुहको शीर्ष स्थानमा रहेको छ । उसको १८ अंक छ । अमेरीका १२ अंक सहित दोस्रो स्थानमा छ भने नेपाल ६ अंक सहित छैटौ स्थानमा रहेको छ ।
