काठमाडौं, २३ भदौ । लाभांश पारित गर्न एक्सेल डेभलपमेन्ट बैंकले साधारणसभा (एजीएम) बोलाएको छ। मंगलबार बसेको सञ्चालक समितिको बैठकले १६ असोज बिहान ११ बजे सिद्धार्थ होटल, विर्तामोड, झापामा १५औँ वार्षिक साधारणसभा बोलाउने निर्णय गरेको हो ।
सभाले आर्थिक वर्ष ०७६/०७७ मुनाफाबाट चुक्ता पुँजीको १२ प्रतिशतले हुन आउने नाै करोड ७३ लाख रुपैयाँ बराबरको बोनस सेयर र कर प्रयोजनका लागि ५१ लख २२ हजार रुपैयाँ नगद लाभांश वितरण गर्ने प्रस्ताव पारित गर्नेछ ।
त्यसैगरी, बैंक र अन्य उपयुक्त बैंक तथा वित्तीय संस्थाहरु एकआपसमा गाभ्ने र गाभिने सम्बन्धमा सञ्चालक समितिलाई अख्तियारी दिने एजेन्डा रहेको छ । बैंकको साधारणसभाले सर्वसाधारण सेयरधनीहरूको तर्फबाट सञ्चालक समितिमा प्रतिनिधित्व गर्ने तीनजना सञ्चालकहरूको निर्वाचनसमेत गर्नेछ।
साधारणसभा तथा लाभांश प्रयोजनका लागि बैंकले १ देखि १६ असोजसम्म बुक क्लोज गर्ने जनाएको छ। जसअनुसार ३१ भदौसम्म कायम सेयरधनीले मात्रै बैंकको लाभांश पाउनेछन् ।
