पर्सा १५ भाद्र । बिरगंजमा ग्यास बुलेटको ठक्करबाट साइकल यात्रीको मृत्यु भएको छ । वीरगंज महानगरपालिकाको वडा नं। २५ ड्राइपोर्टमा भारतिय नम्बरको ग्यास बुलेटको ठक्करले साइकल यात्रीको मृत्यु भएको छ ।
ड्राइपोर्टबाट निस्किएको एन।एल। ग्यास बुलेटल ०१ ए.बि. ४३७३ नम्बरको ग्यास बुलेटले बहुअरी चौकमा ठक्करदिदा पर्साको बहुदरमाई नगरपालिका वडा नं. २ पिपरा निवासी ३० बर्षिय लालबाबु साह मृत्यु भएको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले वताए ।
ड्राइपोर्टबाट निस्किरहेको ग्यास बुलेटले मंगलबार दिउसो १२ बजे तिर बहुदरमाईबाट साइकलमा बीरगञ्ज आउँने क्रममा ड्राइपोर्ट बहुअरी चौकमा ट्याकरले पछाडीबाट साहलाई ठक्कर दिएको स्थानिय प्रत्यदर्शीहरुको भनाई छ ।
मृतकको शव परिक्षणको लागि वीरगंजस्थित नारायणी अस्पतालमा राखिएको उनले जानकारी दिए । ठक्कर दिने ग्यास बुलेट र चालक ललन कुमार रामलाई प्रहरीले नियन्त्रणमा लिएको छ ।