नेकपा (एकीकृत समाजवादी) का अध्यक्ष माधवकुमार नेपालले केपी ओलीले एमालेलाई प्राईभेट कम्पनी बनाएका कारण आफूहरुले विद्रोह गरेको बताएका छन् । बुद्धनगर स्थित क्वालीटी पार्टी प्यालेसमा पत्रकार सम्मेलन गर्दै अध्यक्ष नेपालले नयाँ पार्टी बनाउने रहर नभए पनि ओलीको व्यवहारका कारण बाध्य भएर आफूहरुले नयाँ पार्टी बनाएको बताए ।
उनले ओलीकै कारण नेकपा विभाजित भएको, सरकार असफल भएको, पार्टी विभाजित हुँदा भोजभतेर गरेको आरोप पनि लगाए ।
नेपालले ओली गुटबाट तत्काल छुटकारा लिएर कम्युनिष्ट आन्दोलनको पुनर्गठनमा केन्द्रीत हुन एमाले कार्यकर्ताहरुलाई आव्हान गरे । जनताको जिम्मेवारीबाट भाग्ने, दषिणपन्थी भाषमा पार्टीलाई लैजाने, संसद विघटन गर्नेलाई साथ नदिनुस्, नेपालले अपील गरे ।
ओली पहिला राजतन्त्र ढल्दैन भन्थे जनताले ढाले, अहिले नयाँ पार्टी चल्दैन भन्छन् हामी चलाउछौँ, उनले भने ।