राष्ट्र बैंकले कोरोना प्रभावित व्यवशायलाई प्रवद्र्धन गर्न सहयोग पुग्ने गरी मौद्रिक नीति ल्याएको छ । गभर्नर महाप्रसाद अधिकारीले मौद्रिक नीति सार्वजनिक गर्दै कोरोना प्रभावित व्यवशायलाई पुनकर्जाको व्यवस्थालाई निरन्तरता दिईएको बताए ।
कोरोनाले समस्यामा पारेको सार्वजनिक यातायातको मर्मतसम्भारका लागि थप रु दुई लाखसम्मको ऋण दिने व्यवस्था गरिएको छ । स्थिर विनिमय दरको व्यवस्था, वित्तीय स्रोत परिचालनको दायरा फराकिलो बनाइएको छ भने ब्याजदर करिडोर, ब्याजदर स्थायित्व कामय हुने गरी व्यवस्थापन गरिएको छ ।
यस्तै, विप्रेषण बैंक तथा वित्तीय संस्थामा राखेको अवस्थामा थप ब्याज पाउने नयाँ व्यवस्था नीतिमा गरिएको छ । गभर्नर अधिकारीका अनुसार विप्रेषण रकम बैंकिङ प्रणालीमा राखिएको सन्दर्भमा हाल पाउने ब्याजदरमा थप एक प्रतिशत बढी पाउने व्यवस्था गरिएको छ ।
मौद्रिक नीतिको पूर्ण पाठः
https://www.mirmireonline.com/wp-content/uploads/2021/08/Monetary-Policy-2078-79-1.pdf
