पर्सा २२ साउन । वडा प्रहरी कार्यालय श्रीपुरले खसीको मासु हो भनी बाख्राको मासु बिक्री गर्ने एक जनालाई वीरगंजबाट पक्राउ गरेको छ । वडा प्रहरी कार्यालय श्रीपुरले वीरगंज महानगरपालिकाको वडा नं. १३ मुर्लीका २८ बर्षिय रोज अन्सारीलाई पक्राउ गरेको हो ।
वीरगंज महानगरपालिकाको वडा नं.१३ मुर्ली बस्ने अब्दुल अन्सारीले सञ्चालन गरेको मासु पसलमा खसीको मासु भनि बाख्राको मासु बिक्री गर्ने अंसारीलाई पक्राउ गरिएको जिल्ला प्रहरी कार्यालय पर्साले जनाएको छ ।
प्रहरी टोलीले उक्त पसलको तलासी लिँदा बाख्राको मासुमा खसीको अण्डकोष सिलाई बेचिरहेको फेला परेकोले अंसारीलाई सो मासुसहित नियन्त्रणमा लिई कालोबजारी सम्बन्धी कसूरमा अनुसन्धान अगाडि बढाइएको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले वताए ।
साथै उक्त पसल सञ्चालक अब्दुल अन्सारीको खोजतलास भइरहेको प्रवक्ता खनालले जानकारी दिए ।
