काठमाण्डौ । साताको अन्तिम कारोबार दिन शेयर बजार परिसूचक नेप्सेमा करेक्सन आएको छ । आज शेयर बजार दोहोरो अंकले घटेर बन्द भएको छ । आज १६ अंकको गिरावट आएको नेप्सेले जनाएको छ ।
योसँगै नेप्से परिसूचक ३१०७.४५ को विन्दुमा झरेको छ। राम्रा र बलिया कम्पनीको सूचक सेन्सेटिभ इन्डेक्स भने ०.५८ अंकले बढेर ५७८.९४ को विन्दुमा उक्लिएको छ।
आज १४ अर्ब बढीको शेयर किनबेच भएको छ ।
आज नेप्से उपसमूहमा रहेका १३ वटामध्ये २ वटा समूहमा मात्रै हरियाली छाएको छ भने अन्य ११ समूहमा रातो पोतिएको छ।
यो दिन विकास बैंक समूहमध्ये २.२४ प्रतिशतले उकालो लागेको हो।
आज जलविद्युत समूह सर्वाधिक २.१६ प्रतिशतले ओरालो लागेको छ। यो दिन बैंकिङ समूहमा ०.१२ अंक प्रतिशतको बढोत्तरी भएको छ।
लगानी समूह १.४३ प्रतिशतले घटेको आज वित्त समूहमा ०.८४ प्रतिशत, होटेल तथा पर्यटन समूहमा १.१४ प्रतिशत, जीवन बीमा समूहमा ०।२९ प्रतिशत, उत्पादन तथा प्रशोधन समूहमा १.३४ प्रतिशत, लघुवित्त समूहमा ०.५९ प्रतिशत, म्युचुअल फन्ड समूहमा ०.०५ प्रतिशत, निर्जीवन बीमा समूहमा ०.३४ प्रतिशत, अन्य समूहमा ०.८१ प्रतिशत र व्यापार समूहमा १.४३ प्रतिशतको गिरावट आएको छ।
आज नेप्सेमा सूचीकृतमध्ये २२६ कम्पनीका २ करोड ८८ लाख ४५ हजार ४३१ कित्ता सेयर १४ अर्ब ३१ करोड ६२ लाख ४९ हजार ९६४।६९ रुपैयाँमा किनबेच भएका छन्।
यो दिन माथिल्लो तामाकोशीको सर्वाधिक ६५ करोड ३० लाख रुपैयाँ बढीको कारोबार भएको छ।
