भकुण्डेबाट ‘सडक मानव’को उद्धार

भकुण्डेबाट ‘सडक मानव’को उद्धार

  • शुक्रबार, साउन १५, २०७८
  • मिर्मिरे अनलाइन

  • 5.5K
    SHARES

भकुण्डेबेशी ९। नमोबुद्ध नगरपालिकाको भकुण्डेबेशी बजारमा अलपत्र अवस्थामा रहेका एक व्यक्तिको उद्धार गरिएको छ ।
नमोबुद्ध नगरपालिकाको पहलमा उद्धार गरिएका ती व्यक्तिलाई मानव कल्याण समाजको धुलिखेलस्थित सेवा घरमा पठाइएको छ । नमोबुद्ध नगरपालिकाका नगर प्रमुख टिपी शर्मासहित नगरपालिका र मानव कल्याण समाजको टोली ती व्यक्तिको उद्धारका लागि पुगेको थियो ।
हिन्दी भाषामात्रै बोल्ने अन्दाजी ३५ बर्ष उमेरमा ती व्यक्ति झण्डै तीन सातादेखि भकुण्डे बजारमा अलपत्र अवस्थामा रहेका थिए । सडकमै बस्दै आएका उनको नाम ठेगाना खुल्न सकेको छैन । नमोबुद्ध नगरपालिकालाई सडक मानवमुक्त नगर बनाउने उद्देश्यले ती व्यक्तिको उद्धार गरिएको र उनको हेरचाह तथा स्वास्थ्य उपचार लगायतको व्यवस्थापन मानव कल्याण समाजमा हुने नगर प्रमुख टिपी शर्मा तिमल्सिनाले बताए । ‘घर परिवारबिहीन अवस्थामा रहका सडक मानवको उचित हेरचाह र सेवाका लागि नगरपालिकाले विगतदेखि नै पहलकदमी लिएको छ’ तिमल्सिनाले भने ।
नमोबुद्ध नगरपालिकाले सडकमा अलपत्र अवस्थामा बस्दै आएका व्यक्तिहरुको उद्धार, हेरचाहका लागि मानव कल्याण समाजसँग सम्झौता गरेर सडक मानवको उद्धार गर्दै आएको छ । पछिल्लो एक बर्षमा भकुण्डे क्षेत्रबाट सडक मानवको उद्धार गरिएको यो चौथोपटक हो । यसअघि नगरपालिकाको पहलमा तीन जनाको उद्धार भइसकेको छ । तीनैजना हाल मानव कल्याण समाजको सेवा घरमा आश्रित छन् ।

 

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ