साउन १३, काठमाडौं । नेपालको शेयर बजार निरन्तर उकालो लाग्ने क्रम जारी छ । आज शेयर बजार ३ हजार ९४ दशमलव ९४ विन्दुमा पुगेर बन्द भएको छ ।
आज १५ दशमलव ३० अंकले बढेको हो । अघिल्लो कारोबार दिन मंगलवार नेप्से परिसूचक २९ दशमलव २४ अंकले बढेर ३ हजार ७९ दशमलव ६७ विन्दुमा बन्द भएको थियो । बुधवार सेन्सेटिभ इन्डेक्स भने स्थिर रहेको छ ।
यस दिन नेप्से परिसूचक बढेपनि अघिल्लो कारोबार दिनको भन्दा कारोबार रकम भने घटेको छ । मंगलवार रू. १५ अर्ब १७ करोड ६ लाख ५१ हजार बराबरको ३ करोड २३ लाख ५५ हजार २६० कित्ता शेयर कारोबार भएकोमा बुधवार रू। १३ अर्ब २९ करोड १९ लाख ५४ हजार बराबरको २ करोड ८१ लाख ७० हजार १७२ कित्ता शेयर कारोबार भएको छ ।
बुधवार सर्वाधिक रकमको कारोबार युनाइटेड मोदी हाइड्रोपावरको भएको छ । उक्त कम्पनीको रू. ३८ करोड ६१ लाख ४७ हजार बराबरको शेयर कारोबार भएको छ । सर्वाधिक रकमको शेयर कारोबार भएको कम्पनीको शेयरमूल्य भने प्रतिकित्ता रू। ६ दशमलव ४० ले बढेर अन्तिम मूल्य रू। ४८६ पुगेको छ ।
