हिजो ओरालो लागेको नेप्से आज फेरी दोहोरो अंकको बृद्धिसहित नयाँ उचाईमा पुगेको छ । आज नेप्से परिसूचक ३ हजार ७९ अंकमा पुगेको छ । यो हाल सम्मकै उच्च बिन्दु हो ।
आइतबार परिसूचकले ३ हजार ५८ अंकको रेकर्ड बनाएको थियो। सोमबार ८ अंकले घटेको बजार आज २९.२ अंकले बढेको हो।
आज १५ अर्ब १७ करोड रुपैयाँको सेयर किनबेच भएको छ। यो हिजोको भन्दा एक अर्बले बढी हो ।
समूहगत रुपमा हेर्दा बैंकिङ ३, ब्यापार २, होटल तथा पर्यटन र माइक्रोफाइनान्स समूह ११६ अंकले घटेका छन्।
विकास बैंक ३५, जलविद्युत ११९, फाइनान्स ७१, निर्जीवन बीमा १२०, उत्पादन ३०५, जीवन बीमा २६० र अन्य समूह ६० अंकले बढे।
१० कम्पनीको मूल्य १० प्रतिशतले बढेको छ। यस दिन नेपाल हाइड्रो डेभलपर्स, युनाइटेड मोदी हाइड्रोपावर, जोशी हाइड्रोपावर, मल्टिपर्पोज फाइनान्स, खानीखोला हाइड्रोपावर, घलेम्दी हाइड्रोपावर, हिमालय उर्जा विकास, युनिभर्सल पावर, जानाकी फाइनान्स र युनाइटेड इदी मर्दी आरबीको मूल्य १० प्रतिशतले बढेको छ।
सिनर्जी पावर, रिलायन्स फाइनान्स र आँखु खोला जलविद्युतको मूल्य ९ प्रतिशतभन्दा धेरैले बढेको छ। ग्रीन लाइफ, अपि पावर, हिमालय डिस्टिलरीको मूल्य ८ प्रतिशतभन्दा धेरैले बढेको छ।
