असार २९ गते सर्वोच्च अदालतको परमादेशपछि प्रधानमन्त्रीमा नियुक्त भएका काँग्रेस सभापति शेर बहादुर देउवामाथि पार्टी भित्रैबाट असन्तुष्टी र आलोचना शुरु भएको छ । प्रधानमन्त्री भएको १५ दिन पनि वित्न नपाउदै देउवामाथि आलोचना हुनु दुखदः छ ।
खास गरी गण्डकी प्रदेशमा दोबाटे विश्वकर्माको नाम मन्त्रीको सूचीबाट अन्तिममा कटाएर जग्गा व्यापारी विन्दु कुमार थापालाई मन्त्री बनाईयो । यसमा सभापति देउवाको दबाबले काम गरेको भन्दै काँग्रेस नेताहरु असन्तुष्ट छन् ।
त्यसै गरी यता गठबन्धका सबै दल र समुहभित्र सरकारमा सहभागीता र मन्त्रीमण्डल छान्न सकस परिरहेका बेला सुटुक्क राज्यमन्त्रीमा आफू निकट व्यवशायी उमेश श्रेष्ठलाई नियुक्ति दिएपछि पनि असन्तुष्टी पोखिएको छ ।
लिटिल एन्जेल्स स्कुलका मालिक श्रेष्ठ अन्य शैक्षिक संस्था र अस्पताल समेत सञ्चालन गर्दै आएका छन् । उनले देउवालाई निर्वाचनमा र विभिन्न समयमा आर्थिक सहयोग दिने गरेको काँग्रेसी जनकै आरोप छ । त्यही गुण तिर्न देउवाले मन्त्री नै नबनेको स्वास्थ्य मन्त्रालयमा राज्यमन्त्री नियुक्त गरिदिएका हुन् ।
अहिले देउवाले मनोमानी गरेको भन्दै पार्टी भित्रै असन्तुष्टी पोख्ने क्रम शुरु भएको छ ।