काँकडभिट्टा, ७ साउन । मेची भन्सार कार्यालय काँकडभिट्टाले गत आर्थिक वर्षमा लक्ष्यको तुलनामा करीब आठ प्रतिशत बढी राजश्व सङ्कलन गरेको छ ।
गत आर्थिक वर्षमा रु १२ अर्ब नौ करोड राजश्व असुल गर्ने लक्ष्य लिएकोमा सो अवधिमा कार्यालयले रु १३ अर्ब तीन करोड राजश्व सङ्कलन गरेको छ । यो लक्ष्यको तुलनामा ८ दशमलव ८१ प्रतिशत बढी हो ।
कार्यालयका प्रमुख भन्सार अधिकृत ध्रुव विश्वकर्माले काँकडभिट्टा नाकाबाट सबैभन्दा बढी पेट्रोलियम पदार्थ आयात भएको बताउनुभयो । गत आर्थिक वर्षमा यो नाकाबाट सङ्कलन भएको राजश्वमा पेट्रोलियम पदार्थको हिस्सा ४८ प्रतिशत रहेको छ । कोभिड–१९ को जोखिममा समेत औद्योगिक क्षेत्रमा प्रयोग हुने कच्चा पदार्थ, खाद्यान्न, फलफुल र तरकारीलगायत सामग्री आयात भइरहेका कारण राजश्व वृद्धि भएको कार्यालयले जनाएको छ ।
कार्यालयले आर्थिक वर्ष २०७६/७७ मा लक्ष्यको ७३ प्रतिशत अर्थात् रु आठ अर्ब ३५ करोड राजश्व सङ्कलन गरेको थियो । गत आर्थिक वर्षमा पूर्वी नाका काँकडभिट्टाबाट रु १३ अर्ब ६५ करोडको सामान निर्यात भएको छ । यसबर्ष निर्यात हुने वस्तुमा सबैभन्दा बढी अलैंँची र चिया रहेको उहाँले बताउनुभयो । निर्यात पनि यसबर्ष १२ अर्ब ६५ करोण संकलन भएकोछ । जुन गत वर्षको भन्दा ४ अर्बले बढी हो । जसमा अलैचिँको हिंस्सा ५४ प्रतिशत र चिया २६ प्रतिशत रहेको छ ।
उहाँका अनुसार गत आर्थिक वर्षमा यो नाकाबाट रु छ अर्ब ९० लाख मूल्य बराबरको ८५ लाख ६६ केजी अलैँची निर्यात भएको छ । अघिल्लो आर्थिक वर्षमा रु चार अर्ब आठ लाख मूल्य बराबरको ५९ लाख ९० केजी अलैँची निर्यात भएको थियो ।
प्रमुख भन्सार अधिकृत विश्वकर्माका अनुसार अलैंँचीपछि सबैभन्दा बढी चिया निर्यात भएको छ । गत आर्थिक वर्षमा रु तीन अर्ब ३१ लाख मूल्य बराबरको एक करोड १२ लाख ६७ हजार केजी चिया निर्यात भएको कार्यालयले जनाएको छ ।
अहिले उक्त नाकाबाट अलैँची, अम्लिसो, बन्दाकोपि, जडिबुटि लगायत रहेका छन् ।
०७७ /०७८ मा ३५ अर्ब ४ करोड रहेको छ । गत आर्थिक वर्ष २०७६/ ७७ मा व्यापार घाटा ३१ अर्ब ८ करोड रहेको थियो ।
