वीरगञ्ज, ६ साउन । पर्साबाट ५ किलो ३ सय ३४ ग्राम चाँदीसहित एक जनालाई पक्राउ गरेको छ ।
छिमेकी शहर रक्सौलबाट बिरगंजतर्फ आउँदै गरेको अवस्थामा प्रहरी चौकी ईनर्वाले अवैधरूपमा ल्याउँदै गरेको सूचनाका आधारमा सप्तरीको राजविराज उपमहानगरपालिका वडा नम्बर २ मेघरा स्थाई घर भई हाल चितवनको खैरहनी नगरपालिका वडा नम्बर २ मा श्रेया ज्वैलर्स सञ्चालन गरीरहेका ४३ वर्षीय अंगद साहलाई पक्राउ गरेको हो ।
पैदल हिँडीरहको अवस्थामा शंकास्पद देखेपछि वीरगञ्ज र रक्सौलको सिमाना शंकराचार्य गेटनिर चेकजाँच गर्ने क्रममा कालो झोलाभित्र उक्त चाँदी बरामद भएको पर्साका प्रहरी प्रवक्ता एवम् प्रहरी नायब उपरीक्षक ओमप्रकाश खनालले बताए ।
पक्राउ परेका साहलाई बरामद चाँदीसहित आवश्यक कारबाहीका लागि राजश्व अनुसन्धान कार्यालय पथलैया, बारामा बुझाउने पठाउने तयारी भइरहेको प्रहरी प्रवक्ता खनालले बताए ।
