एजेन्सी । युरोकप फुटबलको उपाधी भीडन्त निकै प्रतिस्पर्धात्मक र रोमाञ्चक हुने देखिएको छ ।
बेलायतको राजधानि लण्डनस्थित ऐतिहासिक वेम्बले रंगशालामा नेपाली समय अनुसार आज राती पौने १ बजे यो खेल हुनेछ ।
यही रंगशालमा इंग्ल्याण्डले सन् १९६६ को विश्वकप फुटबल जितेको थियो ।
त्यसपछि कुनैपनि मुख्य प्रतियोगिताको फाईनलमा पुग्न नसकेको इंग्ल्याण्ड आज उपाधि खडेरी तोड्ने ५५ वर्ष पूरानो अभियान साकार पार्न लाग्ने छ । ह्यारी केनको कप्तानीमा रहेको टिमलाई बेलायतका लाखाँै दर्शकले रंगशालामा साथ दिनेछन् ।
तर ईग्ल्याण्डको त्यो सपना साकार पार्न मुख्य पर्खाल छ ईटाली । चार पटकको विश्वकप विजेता इटाली पछिल्लो २८ खेलमा अपराजीत मात्रै छैन । ईग्ल्याण्ड बिरुद्धको खेलमा जीत हात पार्दै आएको पनि छ ।
सन् २००० र २०१२ को फाईनलमा क्रमशः फ्रान्स र स्पेनसँग हारेको इटाली पनि यस पटक यूरोकपको उपाधी लैजाने दाउमा छ ।
